इलाममा दुलहीले दुलाह भित्राइन् /बाँकि समाचार»

पितृ सत्तात्मक मुलुक नेपालमा केटाले केटी विवाह गरेर भित्राएको त सुनेको र देखेकै हो । यो हाम्रो परम्परा नै हो । तर, केटीले केटा विवाह गरेर भित्राएको भने तपाई हामीले कमै सुनेका छौं ।

२० शरणार्थी अमेरिका लगियो

।

WidgetBucks - Trend Watch - WidgetBucks.com

भुटानी शरणार्थीलाई अमेरिका लैजाने क्रममा शनिश्चरे शिविरका चार परिवारका २० जनाको पहिलो टोली सोमबार अमेरिका प्रस्थान गरेको छ।
सो टोलीमा केटाकेटीदेखि युवायुवतीसम्म रहेका छन्। उनीहरूलाई त्रिभुवन अन्तर्राष्ट्रिय विमानस्थलसम्म कडा सुरक्षाका साथ लगिएको थियो भने सञ्चारकर्मीलाई सम्पर्कमा जान बन्देज लगाइएको थियो।
तथापि अमेरिका जान लागेकी किशोरी अम्बिका तिमल्सिनाले अमेरिका जान पाएकोमा सञ्चारकर्मीसँग खुसी व्यक्त गरेकी थिइन्। सोमबार अमेरिका प्रस्थान गर्नेहरूमा युवराज कोइराला, मनोरथ कोइराला, वेदिनी तिमल्सिना, डिल्लीराम रिजाललगायतका रहेका छन्।
अमेरिकाले ६० हजार भुटानी शरणार्थीलाई अमेरिका लग्ने घोषित नीतिअनुरूप सोमबार पहिलो पटक २० शरणार्थी लगिएका हुन्। अन्य शरणार्थीलाई क्रमशः अमेरिका लगिने जनाइएको छ।
अमेरिका सरकारको शरणार्थी हेर्ने निकायले अहिले शिविरमा शरणार्थी छनोट कार्य गरिरहेको छ।
भुटानी शरणार्थीलाई विभिन्न सात राष्ट्रले लग्ने गरी ँकोर ग्रुप’ खडा गरिएको छ भने उक्त समूहको नेपालस्थित अमेरिकी दूतावासले संयोजन गर्दै आएको छ।
भुटानी शरणार्थीको पहिलो लट गुपचुप अमेरिका लगिएकोमा भुटान पिपुल्स पार्टीका अध्यक्ष बलराम पौडेलले सोमबार नेपाल समाचारपत्रसँग झापाबाट कुरा गर्दै भन्नुभयो- ँसाथीभाइसँग बिदावारी भएर जाने वातावरण पनि नदिइएकोमा दुःख लागेको छ। चोरेर लगेजस्तो किन गर्नु परेको बुझन सकिएको छैन।
अमेरिका जाने शरणार्थीलाई नेपाल सरकारका तर्फबाट उपलब्ध गराइएको ँट्राभल डकुमेन्ट’ पनि विमानस्थलमै छोडेर जानुपर्ने व्यवस्था गरिएको सुन्नमा आएको बताउँदै पौडेलले भन्नुभयो- ँ१७ वर्ष नेपालमा बसेको चिनो एकातर्फ छोड्नुपर्ने अवस्था भएको छ भने अर्कातर्फ उक्त ँपर्मिट’ दुरुपयोग हुन सक्ने अवस्थाले पनि हामी चिन्तित भएका छौं।’
शरणार्थीको नेतृत्व पंक्तिले तेस्रो देशमा लाने कुराको यसअघिदेखि नै विरोध गर्दै आएको छ।

प्रहरी घेरामा देउवाको सभा / वरिपरि बम विस्फोट

तर्राई दौडाहामा निस्केका नेपाली काङ्ग्रेसका नेता शेरबहादुर देउवाको कार्यक्रमलाई लक्षित गरेर आज बिहान रौतहटमा ठाउँठाउँमा बम विस्फोट भएका छन्।
आज रौतहट सदरमुकाम गौरमा नेपाली काङ्ग्रेसले आयोजना गर्न लागेको चुनावी सभालाई लक्षित गर्दै बिहान ७ बजे बीपी चोकमा शक्तिशाली बम विस्फोट गराइएको थियो। बम विस्फोटको जिम्मा जनतान्त्रिक तर्राई मुक्तिमोर्चा गोइत समूहले लिएको छ। विस्फोटबाट कुनै मानवीय क्षति भने भएको छैन।
यसैगरी बिहान पौने ९ बजे गरुढामा अर्को बम विस्फोट भएको छ। महानगरका स्थानीय संवाददाताले दिएको जानकारीअनुसार गरुढा-७ मा चन्देश्वर शाहको घर विस्फोटबाट ध्वस्त भएको छ। काङ्ग्रेस सभालाई लक्षित गरी राखिएको कार्टुबम पड्कँदा घर ध्वस्त भएको हो। शाहले बाटोमा राखिएको कार्टु राम्रो देखेर घर लगेको र लानेबित्तिकै विस्फोट भएको थियो। यसबाट मानवीय क्षति भने भएको छैन।
यसैबीच काङ्ग्रस नेता देउवा प्रमुख अतिथि हुने काङ्ग्रेसी सभा जिल्ला प्रहरी कार्यालयसँगै जोडिएको चौरमा हुने भएको छ। व्यापक प्रहरी परिचालन गरी सभा गर्न लागिएको हो। आमसभा सफल हुन नदिन विभिन्न समूहले मध्य तर्राई क्षेत्र बन्द आ≈वान गरेका छन्।

अभिनयमा मौलाएको वास्तविक प्रेम

चर्चित हाँस्य टेलिशृङ्खला मेरीबास्सैका धुर्मुस र सुन्तली वास्तविक जीवनका पनि प्रेमी प्रेमिका बनेका छन्।

मेरीबास्सैमा जसरी धुर्मुस र सुन्तलीको लखेटा लखेटलाई ठट्यौली पारामा प्रस्तुत गरिएको छ त्यसरी नै उनीहरुबीच माया बसेको भने होइन। लामो समयको सहकार्यपछि नै उनीहरुबीच एकाएक प्रेम सम्बन्ध बढेको उनीहरुका साथीसंगीहरु बताउँछन्।
हुन त धुर्मुस अर्थात् सीतारम कट्टेललाई मेरीबास्सैमा जोडी बाँधिएदेखि नै सुन्तु अर्थात् कुन्जना घिमिरे मन परेकी हुन्। सुन्तुले चाहिँ चापागाउँमा मेरो ब्वाइफ्रेन्ड छ भनेर धुर्मुसको परीक्षा लिइरहेकी थिइन्।
धुर्मुसले वास्तविक रुपमा आफूलाई चाहेको बुझेपछि म उनको चाहनामा हार खाएँ -कुन्जनाले भनिन्। दुवै बीचको प्रेम सम्बन्धमा केही महिनाअगाडिबाट निक्कै गाढापन आएको हो।घर झापा, हाल बसाइ थापागाउँ र ससुराली चापागाउँ पनि हुने भयो भनेर मेरीबास्सैका सहकर्मीहरुले अहिले सीतारामलाई जिस्क्याउन थालेका छन्। दुवै बीचको कुरो र कुलो मिलेका कारण त्यसरी जिस्क्याइएको हुनुपर्ने उक्त शृङ्खलाका माग्नेबूढा अर्थात् केदार घिमिरेको भनाइ छ।
सुन्तु र धुर्मुसबीच प्रेम भएको सबैलाई थाहा भैसकेको छ भने सुन्तु र धुर्मुस पनि आफूहरु बीचको प्रेम वास्तविक भएको र चाँडै बिहे गर्न लागेको प्रतिक्रिया दिँदै हिँडेका छन्। ँएक-दुई वर्षबिहे नगर्ने सोच बनाएका छौं।
यद्यपि भोलिका दिनमा के-कस्तो हुने यो थाहा छैन� कुञ्जनाले भनिन्। धुर्मुस भने यो वर्षको मंसिर खेर गए पनि माघ, फागुन र वैशाख त आउनै बाँकी रहेको ठट्टा गर्न चुक्दैनन्।
यी दुई बीच यति समर्पण छ कि, धुर्मुसलाई मोटरसाइकल चलाउन नआएकोमा सुन्तु पीर गर्छिन्। अर्कोतर्फ सुन्तु स्कुटर चलाएर हिँडे पनि उनीसँग लाइसेन्स नहुँदा कतै ट्राफिकले समात्ने पो हो कि भनेर धुर्मुस डराउने गरेका छन्। परीक्षा दिएर लाइसेन्स लिनुपर्‍यो भनेर धुर्मुसले सधैं सुन्तुलाई सम्झाउँदै गरेको पनि सुनियो।धुर्मुस र सुन्तु बीच हुर्किएको मायाप्रेमको यो वास्तविक कथाले मेरी-बास्सैको जस्तो नहोस् भन्ने उनीहरुका शुभचिन्तकहरुको रहेको छ। चाँडै नै दुवै बीचको प्रेम विवाहमा परिणत हुने आशामा उनीहरुका आफन्तहरु रहेका छन्।
मेरी बास्सैमा धुर्मुस र माग्नेबूढाको गेटअपका कारण उनीहरु दुवैलाई यथार्थमा कमैले मात्र चिन्ने गरेका छन्। सुन्तुलाई भने यथार्थमा पनि सबैले चिन्ने गरेका छन्। सोही कारण दशैंको चियापान कार्यक्रममा एमालेका महासचिव माधवकुमार नेपालले सुन्तुलाई चिने। धुर्मुस र माग्नेबूढालाई नचिनेपछि अरुले चिनाउदै गरेको पनि देखियो।/नेस

को नक्कली को सक्कलि ! caricature